நல்ல செயல்களை ஆற்ற முயன்று, ஆத்ம சாக்ஷாத்காரத்தின் பாதையில் நடந்து செல்பவர்களில் மூன்று விதமானவர்களைக் காணலாம் - இதில் முதலில், கஷ்ட, நஷ்டங்கள் மற்றும் துன்பங்களுக்கு பயந்து, இதற்கான முயற்சியையே எடுக்காமல் இருப்பவர்கள்; இவர்களே அனைவரிலும் கீழ் மட்டத்தில் இருப்பவர்கள். இவர்களுக்கு அடுத்ததாக, இந்தப் பயணத்தில் சிறிது தூரம் சென்று விட்டு,தடைகள் மற்றும் ஏமாற்றங்களால் சோர்வும், தோல்வி மனப்பாங்கும் ஏற்பட்டு நடுவிலேயே முயற்சியை கைவிட்டு விடுபவர்கள்- இவர்கள் நடுத்தரமானவர்கள். இறுதியாக, அமைதி மற்றும் தைரியத்துடன், எந்த விதமான துன்பம் இருந்தாலும்,பாதை எவ்வளவு கடினமாக இருந்தாலும், இந்தப் பாதையை விடாமுயற்சியுடன் பற்றி இருப்பவர்கள்; இவர்களே உண்மையில் தலை சிறந்தவர்கள்.இப்படிப் பட்ட விடாமுயற்சி,நம்பிக்கை மற்றும் நிரந்தரத்துவமே ஒரு பக்தருக்கு அழகாகும். நீங்கள்,இந்த கற்பனையான உலகின் மீது உள்ள பற்றுதலால் மயக்கம் கொண்டும், தாற்காலிகமான சந்தோஷங்களால் கவரப்பட்டும் இருக்கலாம்; ஆனால், ஒரு போதும், நிரந்தரமான மற்றும் முழுமையான ஆனந்தத்தைப் பெறுவதற்கான வழியைக் கைவிட்டு விடாதீர்கள்.உங்களது ஆன்மீக சாதனைகளை பக்தியுடன் தொடருங்கள்.