உங்களிடம் உள்ள அனைத்து சக்தி மற்றும் திறனுடன்,நீங்கள் செய்யும் ஒவ்வொன்றிலும்,உண்மையாகப் பேசி,செயல்படுங்கள்.முதன் முதலில் நீங்கள் இதில் தோல்வியடையலாம்; கஷ்டங்களையும்,துன்பங்களையும் எதிர் கொள்ள நேரிடலாம். ஆனால் இறுதியில்,உங்களது நன்னடத்தையின் காரணமாக, நீங்கள் வெற்றி பெற்று, ஆனந்தம் அடைவீர்கள். சக்தியின் உண்மையான உறைவிடமாகத் திகழும் ஒருவரை, சத்யம்,கருணை, அன்பு,பொறுமை, சகிப்புத் தன்மை மற்றும் நன்றியுணர்வு போன்ற குணங்களால் இனம் கண்டு கொள்ளலாம். அவர்கள் எங்கு இருந்தாலும்,அங்கு அஹங்காரம் இருக்க முடியாது. எனவே, இந்த குணங்களை நாடி ,வளர்த்துக் கொள்ளுங்கள். ஆத்மாவின் பிரகாசத்தை அஹங்காரம் மறைத்து விடுகிறது. அஹங்காரம் அழிக்கப் படும் போது,அனைத்து கஷ்டங்களும் முடிகின்றன, அனைத்து அதிருப்திகளும் மறைகின்றன;ஆனந்தம் கிடைக்கிறது.எவ்வாறு சூரியன், மேக மூட்டத்தால் மறைக்கப் படுகிறதோ, அவ்வாறே,அஹங்காரம் நித்ய ஆனந்தத்தை மறைக்கிறது.கண்கள் திறந்திருந்தாலும், ஒரு துணி , திறம்பட, பயனுள்ள வகையில் செயல் படுவதிலிருந்து, பார்வையை மறைத்து விடுகிறது. அதைப் போலவே,சுயநலம் எனும் திரை , உங்களுக்கு மிக அருகாமையில் இருக்கும் இறைவனைக் கூட, ஒருவர் காண முடியாமல் தடுத்து விடுகிறது.