(வேதங்கள் ) மறைநூல்கள் ஒரு தாயைப் போல ,நம்மிடம் பரிவு கொண்டவை. தனது குழந்தைகளின் புத்தியின் அளவிற்கு ஏற்றவாறும், அப்போதைய காலம் மற்றும் சந்தர்ப்ப சூழ்நிலைகளுக்கு ஏற்றவாறும் கற்றுக் கொடுக்கும் ஒரு தாயைப் போல அவை நமக்கு பாடங்களை புகட்டுகின்றன. ஒரு தாய் தனது இரண்டு குழந்தைகளில், ஆரோக்கியமாக இருக்கும் குழந்தைக்கு அது கேட்கும் உணவு வகைகளை எல்லாம் கொடுக்கிறாள்; ஆனால் வியாதியுடன் இருக்கும் மற்றொரு குழந்தைக்கு அதிக உணவு ஊட்டாமலும், விரைவில் அதனுடைய ஆரோக்கியத்தை திரும்ப நிலைநிறுத்தும் பதார்த்தங்களை மட்டுமே கொடுப்பதிலும் அதிகமான கவனத்தை செலுத்துகிறாள்.ஒரு குழந்தையிடம் அரைகுறை கவனத்துடனும், அன்பு செலுத்துவதில் மற்றொரு குழந்தையிடம் பாரபக்ஷமாகவும் அவள் இருக்கிறாள் என்று நாம் குற்றம் சாட்ட முடியுமா? கர்மாவின் ரகசியத்தை அறிந்தவர்களுக்கு, வேதங்கள் அதன் உள்ளார்ந்த மஹிமையையும் சுட்டிக் காட்டுகின்றன. கர்மா வாழ்க்கையை மேம்படுத்தி,இலக்ஷியங்களை சரி செய்ய வல்லது . ஒவ்வொருவருக்கும் கர்மாவை, எவ்வாறு பயனுள்ள காரியங்களாக மாற்றுவது என்பதைப் பற்றி அறிவுறுத்தப் பட வேண்டும், இருந்தாலும் கர்மா மட்டுமே எல்லாம் அல்ல.