மனிதர்கள் தாங்கள் உடலே என்று கருதும் மிகப் பெரிய தவறை செய்கிறார்கள்.முதுமையின் காரணமாக உடல் பலஹீனம் அடைந்து, தளர்ந்து போனாலும் கூட,அவர்கள் அதன் பராமரிப்பு மற்றும் சௌகரியத்திற்காக, பல விதமான பொருட்களைக் குவித்து வைத்துக் கொள்கிறார்கள் ! இறப்பை ஒத்திப் போட இயலுமா?யமனின் அழைப்பு வந்தால், அனைவரும் சென்றே ஆக வேண்டும்.பதவி,பெருமை மற்றும் பலம்- அனைத்தும் இறப்பின் முன் மாயமாக மறைந்து விடும். இதை உணர்ந்து, அல்லும் பகலும், உடல்,மனம் மற்றும் ஆத்ம சுத்தியுடன், பரமாத்மாவை உணர, அயராது பாடுபடுங்கள். இந்த சேவைக்கான ஒரு வாகனமாக உடல் பாரமரிக்கப் பட வேண்டும். ஆனால், இந்த உடல் நீங்களல்ல என்பதை நினைவில் கொள்ளுங்கள்;இந்த உடல் நீங்களாக இருக்க முடியாது ! எந்தக் குறிக்கோளுக்காக இந்த மனித உடல் கொடுக்கப் பட்டுள்ளதோ, அதை அடையும் வரை, இதனைக் கவனமாகக் கண்காணித்து, காயம் மற்றும் ஊனத்திலிருந்து காப்பாற்றுவது உங்களது கடமையாகும். எவ்வாறு கம்பளித் துணிகள் உங்களை குளிர் காலத்தில் பனிக் காற்றின் வேகத்திலிருந்து காத்துக் கொள்ள உதவி செய்தாலும் அவற்றை கோடைக் காலத்தில் ஒதுக்கி விடுகிறோமோ, அவ்வாறே, உலகியலான வாழ்க்கை எனும் பனிக் காற்று உங்களைப் பாதிக்காதபோது, இந்த உடலும் அவசியமற்றதாகி விடுகிறது.