ஸ்ரீமத் பகவத் கீதை ஒவ்வொருவரையும்,''மனதைப் புண்படுத்தாத, உண்மையான, இனிமையான, பயன்தரும் '' பேச்சைக் கடைப்பிடிக்க வேண்டும் என்று அறிவுறுத்துகிறது.சத்திய சாதனையைக் கடைப்பிடிக்கும் போது, சில சமயங்களில்,ஒரு இனிமையற்ற உண்மையை வெளிப்படுத்த நேரிடலாம்.இப்படிப் பட்ட தருணங்களில், அதன் தாக்கத்தை வேண்டும் என்றே அன்பு,இரக்கம் மற்றும் பரிவினில் தோய்த்து, இதமானதாகவும் , இனிமையானதாகவும் ஆக்க வேண்டும். எப்போதும் உதவுங்கள்-ஒருபோதும் தீங்கிழைக்காதீர்கள் - இதுவே தாரக மந்திரம்.உண்மையை உங்களது உயிர் மூச்சாகவே மதியுங்கள்.உங்களது வாக்குறுதிகள் புனிதமான பந்தங்களாக இருக்க வேண்டும்.சத்தியத்தின் சபதத்தை ஒருபோதும் முறித்து விடாதீர்கள். சத்தியத்தைக் கடைப்பிடிக்கும்போது எவரானாலும் எதிர் கொள்ள வேண்டிய தடை சுயநலம் ஒன்றே. சுயநலத்தைக் கைவிடுங்கள், சத்தியத்தையும், தன்னலமற்ற அன்பையும் பின்பற்றுங்கள்; உங்கள் இதயம் சத்தியத்துடன் இசைந்தும், மனம் அன்பில் தோய்ந்தும் இருக்கட்டும். பொய்மையால் மாசு படாத பேச்சு, தீவிரமான காமம் அல்லது க்ரோதத்தின் கறை படியாத மனம், வன்முறை எனும் விஷமற்ற உடல் - இந்த மூன்று தூய்மைகளை, ஒவ்வொருவரும் இலட்சியங்களாகக் கொண்டு, அவற்றின் படி வாழ வேண்டும்.