கற்றுக் கொள்வதில் மூன்று நிலைகள் உள்ளன- அதாவது கேட்பது (ஸ்ரவணம்), பின்னர் அதைப்பற்றி இடையறாது சிந்திப்பது (மனனம்), அவற்றை ஏற்று கடைப்பிடிப்பது ( நிதித்யாஸனம்). உண்மையில் நீங்கள் கேட்டவற்றை எளிதில் புரிந்து கொண்டு, ஏற்றுக் கொள்வது, வெறும் கேட்பதால் மட்டும் இயலாது.நீங்கள் கேட்டவற்றைத் திரும்பத் திரும்பச் சிந்தித்த பின்னரே நீங்கள் கேட்டதை ஏற்றுக் கொள்ள முடியும்.இதுவே நிதித்யாஸனம்.இந்த மூன்றையும் செய்தால் தான் நீங்கள் கேட்டவற்றின் பலன்களை நீங்கள் அனுபவிக்க முடியும்.சமைக்கப் பட்டவற்றைப் பார்த்தால் மட்டும் உங்களது பசி தீர்ந்து விடுமா?சமைக்கப் பட்டதை நீங்கள் சாப்பிட்டால் மட்டும், அந்த உணவினால் உங்களுக்குத் தேவையான சக்தியைப் பெற முடியுமா?நீங்கள் சாப்பிட்டதை, ஜீரணித்தால் மட்டுமே, உங்களுக்குத் தேவையான ஊட்டம் கிடைக்கும்.எவ்வாறு, சமைப்பது, உண்பது மற்றும் ஜீரணிப்பது என்ற மூன்றும் தேவையான இறுதிப் பலன்களுக்கு அத்தியாவசியமோ, அவ்வாறே ஸ்ரவணம், மனனம், மற்றும் நிதித்யாஸனம் என்று மூன்றும் ஒன்றன் பின் ஒன்றாகத் தொடர்ந்தால் தான், நீங்கள் ஆத்ம வித்யாவின் சில அம்சங்களைப் பெற முடியும்.