உங்கள் இதயத்தில் இனிமை இன்றி,இனிமையாகப் பேசுவதில் மட்டும் அர்த்தமே இல்லை. பேச்சில் இனிமையும்,இதயத்தில் கசப்பையும் கொண்டிருப்பது மனித குணம் அல்ல.உங்களது எண்ணம், சொல் மற்றும் செயலில் இனிமை இருக்க வேண்டும். இதுவே ஒரு உண்மையான மனிதருக்கு அடையாளம். தனித் தன்மையான அன்பு எனும் குணம் இருப்பதால் தான் மனிதர்கள் மிகவும் புனிதமானவர்களாகக் கருதப் படுகிறார்கள். இறைவன் மனிதனாக அவதாரம் எடுப்பது அன்பைப் பரப்புவதற்காகவே. உங்கள் இதயத்தில் அன்பு இருந்து விட்டால், நீங்கள் உலகனைத்தையுமே வென்றிடலாம். உங்கள் இதயத்தில் அன்பு இருக்கிறது, ஆனால் உங்களால் அதை சரியான முறையில் வெளிப்படுத்த இயலவில்லை. சகோதரத்துவ உணர்வை வளர்த்துக் கொள்ளுங்கள். உங்களுக்கு மிகவும் பிடிக்காத பகைவனைச் சந்தித்தாலும் கூட, அவனை சகோதரனே என்று அழைத்து, அவனிடம் அன்பாகப் பேசுங்கள்.நீங்கள் அவனை சகோதரனே என்று அழைத்தால், அவரது இதயம் இளகி, த்வேஷம் உடனேயே மறைந்து விடும். உங்கள் வாழ்க்கையை அன்பால் நிரப்பிக் கொள்ளுங்கள். இந்த உலகில் அன்பை விட உயர்ந்த பொருள் எதுவுமே இல்லை.