புனிதமான உத்தராயணமான இன்று சூரிய பகவான் வடக்கு நோக்கித் தனது பிரயாணத்தைத் தொடங்குகிறார்.இந்த ஸங்கராந்தி தினத்தில் உங்களது வாழ்க்கையை நீங்கள் புனிதமாக்கிக் கொள்ளும் வகையில், உங்களது மனப்பாங்கிலும் ஒரு மாற்றம் வருவதாக ! மாற்றம் ஏற்படுத்தும் திறன் (க்ராந்தி), மனச்சாந்தி (சாந்தி) என்ற இரண்டுமே உங்கள் இதயத்தில் உறைகின்றன. அவற்றை வெளி உலகில் தேடாதீர்கள். அவற்றை உங்களுள்ளேயே கண்டு கொள்ளுங்கள்.இன்றைய நாள் இறைவனை உணர்வதற்கான பாதைக்கான மற்றும் ஒரு சுட்டிக் காட்டியாகும். சூரியன் தன்னலமற்ற மற்றும் தளராத சேவையின் தலை சிறந்த எடுத்துக் காட்டாகும். இந்த உலகில் உயிர் வாழ முடிவது சூரியனால் தான்.சூரியன்,எந்த வித அகந்தையும் அற்ற, கடமையின் பால் பணிவான பக்தியின் பாடத்தை, ஒவ்வொருவருக்கும் கற்றுக் கொடுக்கிறான். ஒவ்வொருவரும் தங்கள் கடமையை பக்தி , சிரத்தையுடன் ஆற்ற வேண்டும் என்பதற்கு சூரிய பகவான் ஒளி விட்டுத் திகழும் ஒரு உதாரணமும், நினைவூட்டியும் ஆவான். பகவான் ஸ்ரீகிருஷ்ணர், ஸ்ரீமத் பகவத் கீதையில், ஒருவர் தனது கடமையை தன்னலமின்றி ஆற்றுவதே தலை சிறந்த யோகம் என்கிறார். உங்கள் பெற்றோருக்கும், சமுதாயத்திற்கும் சேவை ஆற்றி, தெய்வீகமான வாழ்க்கை நடத்துங்கள் ! எனவே உங்களது செயல்களும், சிந்தனைகளும், நல்லவையாக இருக்கட்டும். நீங்கள் கண்டிப்பாக தெய்வீகப் பேரானந்தத்தை அனுபவிப்பீர்கள்.