விளையாட்டுப் போட்டிகளும், சங்கீதமும் ஆரோக்கியத்தையும், ஆனந்தத்தையும் அளிப்பதற்காக வடிவமைக்கப் பட்டவை என்பதை உணர வேண்டும்.உடல் திறன்,மனத்திண்மை என்ற இரண்டும் ஒரே அளவு முக்கியமானவையே.ஸ்தூல சரீதரத்துடன் கூடவே, ஒவ்வொருவருக்கும் சூக்ஷ்ம சரீரமும் ஒன்று இருக்கிறது.ஆன்மீக சாதனைகளின் மூலம் உங்களது சூக்ஷ்ம சரீரத்தையும் பேணிக் காத்துக் கொள்ளுங்கள்;அதுவே தெய்வீகத்தை உணருவதற்கு உதவி புரியும்.நற்குணங்களைப் பெறுவது, நல்லெண்ணங்கள், வாய்மை,பக்தி,கடமையாற்றுவதில் கட்டுப்பாடு மட்டும் சிரத்தை ஆகியவற்றை வளர்த்துக் கொள்வது போன்றவையே உண்மையான கல்வியாகும். விளையாட்டுப் போட்டிகள் இந்த குணங்களை நீங்கள் பெறுவதற்கு உதவுகின்றன; அவை ஆரோக்கியமான உடல்,மனம் மற்றும் ஆனந்தத்தை அளிக்கின்றன. விளாயாட்டுப் போட்டிகளிலிருந்து,இசைந்து பணியாற்றும் உணர்வு, ஒருவரை ஒருவர் புரிந்து கொள்ளுதல் மற்றும் ஆனந்தம் என்ற மூன்று விசேஷமான நன்மைகளைப் பெறலாம். மனிதர்கள் வெவ்வேறு மொழிகளைப் பேசினாலும், கலாசாரம் மற்றும் பழக்க வழக்கங்கள் வெவ்வேறாக இருந்தாலும் கூட, விளையாட்டுகளின் மூலம் நீங்கள் ஒரு பொதுவான பந்தத்தை உருவாக்கி, நட்புணர்வை பகிர்ந்து கொள்ள முடியும். எனவே, விளையாட்டுப் போட்டிகள் ஊக்குவிக்கப் பட வேண்டும்.