இறைவனை ஏற்றுக் கொள்பவர்கள்,அவனை ஏற்றுக் கொள்ளாதவர்கள்,அவன் இங்கு இருக்கிறான் அல்லது அங்கு இருக்கிறான் என்பவர்கள், அவனை எங்குமே காண முடியாது என்று சாதிப்பவர்கள் ஆகியவர்களுக்கிடையே உள்ள போராட்டத்திற்கு முடிவே இல்லை; இது யுக யுகங்களாக நடைபெற்றுக் கொண்டு இருக்கும் ஒன்று.விழித்துக் கொண்டு இருக்கும் ஒருவரை எழுப்புவது அவசியமற்ற ஒன்று என்பதையும்,தூங்கும் ஒருவரை எழுப்புவது சுலபம் என்பதையும் நினைவில் கொள்ளுங்கள்.விழித்துக் கொள்ள விருப்பம் அற்ற ஒருவரை, நீங்கள் எவ்வளவு முயன்றாலும் உங்களால் எழுப்ப இயலாது! அறியாதவர்களுக்கு எளிமையான உதாரணங்களின் மூலம், அவர்கள் அறியாததைக் கற்பிக்க முடியும்.ஆனால்,அரை வேக்காடு ஞானத்தை வைத்துக் கொண்டு, அதைப் பற்றிப் பெருமை கொள்பவர்கள் மேலும் எதையும் கற்றுக் கொள்ள இயலாதவர்கள்.உங்களது இரண்டு கண்களும், பரந்து விரிந்த வானத்தைப் படம் பிடித்துக் காட்ட முடிந்தாலும்,உங்களது உடலை முழுமையாக அவைகளால் காண முடியாது! அதற்கு உங்களுக்கு இரண்டு கண்ணாடிகள், ஒன்று உங்கள் முன், ஒன்று உங்கள் பின் தேவை. அதைப் போலவே,உங்களது உண்மை நிலையை அறிந்து கொள்ள, உங்களுக்கு தன்னம்பிக்கை மற்றும் இறை அருள் என்ற இரண்டு கண்ணாடிகள் தேவை.