சத்யம் தான் உங்களை இறுதி வரை காக்கும் என்பதில் நம்பிக்கை வையுங்கள்; என்ன நடந்தாலும்,அதைக் கெட்டியாகப் பற்றிக் கொள்ளுங்கள். ஏனெனில், நீங்கள் உண்மையானவர்களாக இருந்தால், குற்ற உணர்வு உங்களது அந்தரங்கத்தைப் அரித்துப் புண் படுத்தாது. கோழைத்தனமே உங்களை சத்யத்தை மறைத்து வைக்கச் செய்கிறது; த்வேஷமே பொய்மையைக் கூர்மையாக்குகிறது.தைரியமாக இருங்கள்; பொய் சொல்ல வேண்டிய அவசியமே இல்லை.ப்ரேமை நிறைந்தவர்களாக இருங்கள்;வஞ்சகத் தனத்திற்கு அவசியமே இருக்காது. நேர்மையுடன் சத்யத்தைப் பேசுவதே எளிமையான பழக்கமாகும்;ஏனெனில் நீங்கள் பொய் சொல்ல ஆரம்பித்து விட்டால்,அவற்றைக் கணக்கு வைத்துக் கொண்டு, யாரிடம் எவ்வளவு சொன்னோம் என்று ஞாபகம் வைத்துக் கொண்டு, எப்போதும் ஒரு பொய்யால், மற்றொன்றை மாற்றிச் சொல்லி விடாமல் இருப்பதைப் பற்றிக் கவனமாக இருக்க வேண்டி வரும்! ஒரு மனிதனை நேசியுங்கள், பின்னர் நீங்கள் அவரை பொய் சொல்லி ஏமாற்ற வேண்டிய அவசியமே இருக்காது;நீங்கள் அன்பு செலுத்துபவரிடம் சத்யத்தை மட்டுமே, சத்யத்தைத் தவிர வேறு எதையும் கூற வேண்டியது இல்லை என்பதை உணருவீர்கள்.ப்ரேமை பல சங்கடங்களைத் தவிர்க்கச் செய்கிறது.