நீங்கள் வீட்டிலோ அல்லது வெளியிலோ , எந்த வேலையைச் செய்தாலும், இடையறாது,'' நான் என்ன செய்தாலும்,நினைத்தாலும் அல்லது பேசினாலும், அனைத்தும் இறைவனுக்கே சொந்தம்'' என்று உங்களுக்கே நினைவு படுத்திக் கொள்ளுங்கள். '' ஸர்வ கர்மா பகவத் ப்ரீத்யர்த்தம் ''( அனைத்து செயல்களும் இறைவனைத் திருப்திப் படுத்துவதற்கே) என்பதே உங்கள் சரியான மனப்பாங்காக இருக்க வேண்டும்.உதாரணத்திற்கு சமையல் செய்வதை எடுத்துக் கொள்ளுங்கள்.நீங்கள் பல பொருட்களை, விதவிதமான அளவில், நீங்கள் சமைக்கும் பதார்த்தத்தில் போட்டு, அதை சுவையானதாக ஆக்க முயல்கிறீர்கள்.ஆனால்,அந்த சமையலின் உண்மையான சுவை, அதை இறைவனுக்கு அர்ப்பணிக்கும் போது தான் வருகிறது.அந்த உணவு , இறைவனுக்கு அர்ப்பணிக்கப் படும்போது தெய்வீகமானதாகி விடுகிறது.அதே சமயம், '' நான் இந்த வேலையை வழக்கமாகச் செய்கிறேன்;நான் இந்த உணவுப் பதார்த்தங்களை, என் குடும்பத்தினர் சாப்பிடுவதற்காகச் செய்கிறேன்.'' என்ற உணர்வோடு பல பதார்த்தங்களைச் சமைத்தால்,அவை இறைவனைச் சென்று அடைவதில்லை.எனவே, உங்கள் வாழ்க்கையின் ஒவ்வொரு செயலையும், இறை நாமஸ்மரணையுடன், இறைவனுக்கே ஒரு அர்ப்பணமாகச் செய்யுங்கள். நீங்கள் எதைச் செய்தாலும்,, நினைத்தாலும் அல்லது பேசினாலும் அது இறைவனது ஆணைப்படியே, இறைப் பணியாகச் செய்வததாகக் கருதுங்கள்.