இன்று உலகம் பல பிரச்னைகளை எதிர்கொண்டுள்ளதற்குக் காரணம் மனிதர்கள் போதுமான அளவு இறை நாமஸ்ரணை செய்யாதது தான். ஒவ்வொரு வீதியும் இறைவனது மகத்துவத்தைப் பாடுவதால் அதிரட்டும். உங்களுடைய உடலில் உள்ள ஒவ்வொரு செல்லும் இறை நாமத்தால் நிரம்பி வழியட்டும். இறை நாமஸ்ரணை உங்களுக்குத் தரும் ஆனந்தம், தைரியம் மற்றும் வலிமையை வேறு எதுவும் தர முடியாது.மற்றவர்கள் கேலி செய்தால் அதை உதாசீனப்படுத்துங்கள். செய்து விட்டுப் போகட்டும் !இளைஞர் முதியவர், ஏழை பணக்காரர் என ஒவ்வொருவரும் இறை நாமஸ்ரணை செய்தே ஆக வேண்டும். மனப்பூர்வமாகவும் , முழு அர்ப்பணிப்பு உணர்வோடும் இதைச் செய்யுங்கள். எந்த சங்கோசமும் இன்றி இறைவனை நோக்கிப் பாடுங்கள்; அதன் பின்னரே நீங்கள் தெய்வீக ஆனந்தத்தை அனுபவிக்க முடியும். உங்களுக்கு எந்த இசைக் கருவிகளும் தேவை இல்லை; உங்களது இதயத்தின் அடித்தளத்திலிருந்து நீங்கள் அழைத்தாலே போதும்.தீய எண்ணங்கள் இல்லாமல் இருக்குமாறு கவனமாகப் பார்த்துக் கொள்ளுங்கள்; ஏனெனில் அவை அபஸ்வரங்களை உண்டாக்கும்.பின்னர் நீங்கள் தெய்வீக அருளையும், சக்தியையும் பெறுவீர்கள்.