வேதங்கள்,'' மாத்ரு தேவோ பவ, பித்ரு தேவோ பவ '' எனப் பறைசாற்றுகின்றன. உங்கள் தாய் ,தந்தையரைத் தெய்வமாகப் போற்றுங்கள். உங்களது இரத்தம்,உணவு,புத்தி மற்றும் பணம்,( ப்ளட்டு, ஃபுட்டு, ஹெட்டு, துட்டு) உங்களது பெற்றோர்கள் உங்களுக்கு அளித்த பரிசுகள் என்பதை உணர வேண்டும்.முதன் முதலில், உங்களது தாய்க்கு நன்றி செலுத்துங்கள். தன்னுடைய அசௌகரியங்களை எல்லாம் பொருட்படுத்தாது,ஒன்பது மாதங்கள் தன் வயிற்றில் உங்களை வளர்த்து,பின் உங்களைப் பெற்றெடுத்து, உங்களுக்குத் தேவையான பரிவையும், சௌகரியங்களையும் அளித்த தாயையை ஒரு போதும் மறக்காதீர்கள். தான் சொல்லும் மற்றும் செய்யும் அனைத்திலும் ஒரு தாய் எப்போதும், தன் குழந்தையின் நலனைத் தான் மனதில் பிரதானமாகக் கொண்டிருப்பாள். நீங்கள் மெத்தப் படித்திருக்கலாம் உங்கள் தாய் படிப்பறிவில்லாதவராக இருக்கலாம்; இருந்தாலும் நீங்கள் அவளிடம் தலையாய மதிப்பும் ,மரியாதையும் கொண்டிருக்க வேண்டும். உங்களது தாயின் போதனைகளை, வேதங்களுக்கு சமமானதாகக் கருதுங்கள். நற்பண்புகள் இன்றி, உலகியலான கல்வி உங்களுக்கு சாந்தி தரவோ அல்லது நீங்கள் தெய்வீகமான வாழ்க்கை நடத்த உதவவோ செய்யாது.