இமயமலை ( ஹிமாசலா ) நாட்டின் வடக்கு எல்லையாக உள்ளது. ''ஹிமா '' என்றால் பனிக்கட்டி என்று பொருள். அது வெண்மையானதாகவும் எளிதில் உருகி விடுவதாகவும் இருக்கிறது.வெண்மை , தூய்மையைக் குறிக்கிறது. '' அசலா '' அசையாது, நிலையாக இருப்பது என்று பொருள். உங்களது இதயமும் '' ஹிமாசலத்தை'' போல தூய்மையாகவும்,நிலையாகவும், கருணையினால் உருகி இளகுவதாகவும் இருக்க வேண்டும்.இறைவன் தூய்மையான, நிலையான, கருணை ததும்பும் ஒவ்வொரு இதயத்திலும் கொலு வீற்றிருக்கிறான். ஆனால், இன்று பல இதயங்கள், அளவற்ற ஆசைகளின் காரணமாக இந்த சீரிய குணங்களை இழந்து விட்டன. வாழ்க்கை ஒரு நீண்ட பயணம்; உங்கள் ஆசைகளே சுமைகள். வாழ்க்கைப் பயணம், ஆசை எனும் சுமைகளை நீங்கள் குறைத்துக் கொண்டால் தான் இனிமையானதாக இருக்கும். குறைந்த சுமை, அதிக சௌகரியம், ஒரு பயணத்தை சுகமானதாக ஆக்குகிறது !ஸ்ரீமத் பகவத் கீதை, நீங்கள் ஒவ்வொன்றையும் இறைவனுக்கே அர்ப்பணிக்க வேண்டும் என்று கூறுகிறது (ஸர்வ கர்மா, பகவத் ப்ரீத்யர்த்தம் ).நீங்கள் ஒவ்வொரு செயலையும் இறைவனை மகிழ்விக்க வேண்டும் என்ற குறிக்கோளுடன் மட்டுமே செய்ய வேண்டும். இதுவே, கஷ்டங்கள் மற்றும் துயரங்களிலிருந்து விடுபடுவதற்கான சுலபமான மற்றும் பயனுள்ள வழியாகும்.