களிமண் ஒரு பொருள் தான்,ஆனால் அதிலிருந்து வித்தியாசமான ரூபங்களும் நாமங்களும் கொண்ட பல பொருட்களை உருவாக்க முடியும். பல நாடுகளில், பல நிறங்களில் இருக்கும் பசுக்களிலிருந்து பெறப்படுவது ஒரே வெண்மை நிறப் பால் தான்.அதைப் போலவே, இறைவனும் ஒருவனே; அவனே எண்ணிலடங்காத உடல்களில் பல நாம, ரூபங்களில் உறைகிறான். தங்கத்தை எடுத்துக் கொள்ளுங்கள்.அதே உலோகத்தில் இருந்து ,பல விதமான ஆபரணங்களைச் செய்ய முடியும். பிரபஞ்சத்தை ஆராய்ந்து பார்த்தீர்களானால், ஒரே அடிப்படைப் பொருளைக் கொண்டே வெவ்வேறு ரூபங்களைக் கொண்டு பலவிதமான பொருட்கள் உருவாக்கப் பட்டுள்ளன என்பதைக் காண்பீர்கள். ஒரே ஒரு விதையிலிருந்து பல கிளைகளும், இலைகளும், பூக்கள் மற்றும் பழங்களும் கொண்ட மரம் உருவாகிறது. கிளைகள், இலைகள், பூக்கள் மற்றும் பழங்கள் தனித்தனியான, குறிப்பிட்ட, வெவ்வேறு ரூபங்கள், நாமங்கள் மற்றும் பயன்களைக் கொண்டவை; ஆனால் அவை அனைத்தும் அவற்றிற்கு ஆதாரமான அந்த ஒரே ஒரு விதையிலிருந்து தான் வருகின்றன. இதுதான்,''அந்த ஒரே ஒன்றே , பலவாக வர தேர்வு செய்தது'' என்ற பொருள் கொண்ட '' ஏகோஹம் பஹூஸ்யாம் '' என்ற ஸம்ஸ்கிருத பதத்திற்கு அர்த்தம்.