ஒவ்வொரு மனிதனுக்கும் ஒரு இதயம் இருக்கிறது.உங்கள் இதயம் முன்னரே ப்ரேமையினால் நிரம்பியே உள்ளது. உங்கள் இதயத்தில் உள்ள ப்ரேமையை நீங்கள் எத்தனை பேருடன் சுயநலமின்றி பகிர்ந்து கொள்கிறீர்கள்? அதிகம் இல்லை ! அதைப் பகிர்ந்து கொள்ளாவிட்டால் ப்ரேமையினால் என்ன பயன்? உங்கள் இதயத்தில் உள்ள அனைத்து ப்ரேமையையும், நீங்கள் சிருஷ்டியில் உள்ள ஒவ்வொரு ஜீவ ராசியுடனும் பகிர்ந்து கொள்ள வேண்டும். ப்ரேமை இறைவன் அளித்த பரிசு; அதை நீங்கள் தடையின்றி இந்த உலகில் பகிர்ந்து கொள்ள வேண்டும். மனிதர்கள் அனுபவிக்கும் அனைத்து துன்பங்கள் மற்றும் தோல்விகளிலிருந்து விடுபடுவதற்கு இது ஒன்று தான் வழி. உங்களில் பலர் இயந்திரம் போல,''சமஸ்த லோகாஸ் ஸுகினோ பவந்து'' ( அனைத்து உலகங்களிலும் இருக்கும் அனைத்து ஜீவராசிகளும் சந்தோஷமாக இருக்கட்டும்) என்ற வார்த்தைகளைத் திரும்பத் திரும்பக் கூறுகிறீர்கள். நீங்கள் எத்தனை பேருக்கு சந்தோஷம் அளிக்கிறீர்கள் ? உங்களில் பலர் சுயநலமான விருப்பங்களில் அக்கறை கொண்டும், கொழுத்த அஹங்காரத்துடன், எல்லா நேரங்களிலும் படாடோபத்தை வெளிப்படுத்திக் கொண்டும் இருக்கிறீர்கள். சாஸ்திரங்களிலிருந்தும் குருமார்களிடமிருந்தும் விலைமதிக்க முடியாத உண்மைகளைப் பெற்ற எவரானாலும்,ப்ரேமை நிரம்பியவர்களாக இருத்தல் வேண்டும்.உங்களுள் இருந்து சுயநலத்தை என்றைக்கு வேறோடு பிடுங்கி எறிகிறீர்களோ, அன்றே தெய்வீகம் உங்கள் இதயத்தில் வளர்ந்து பரிமளிக்கும்.