இந்நாளில்,பலர் நீர்,காற்று மற்றும் சுற்றுச் சூழலின் உள்ள மாசின் அளவைப் பற்றிக் கவலைப்படுகிறார்கள். இவற்றைச் சுத்தம் செய்ய மிகப் பெரிய அளவில் நேரம்,முயற்சி மற்றும் பணம் செலவிடப்படுகிறது.இவற்றை விட அதிகமாக இல்லாவிட்டாலும், அதே அளவாவது மனித மனங்களில் உள்ள மாசைப் பற்றி நீங்கள் அதிகம் கவலைப்பட வேண்டாமா? பல மனங்களும்,இதயங்களும் மாசு படிந்துள்ளன.இந்த மாசைக் களைவது இன்றைய அத்தியாவசியத் தேவையாகும். பலர் உலகியலான ஆசைகள் மற்றும் சுகங்களில் மூழ்கி இருக்கிறார்கள்.இதன் காரணமாக, மன அதிருப்தியும், கசப்பான நிராசையும் பரவி உள்ளது, மனங்களை ,அவை எங்கிருந்து தோன்றியதோ,அதை நோக்கித் திருப்புங்கள்.தண்ணீரை விட்டு வெளியே வந்த மீன் உயிர் வாழ என்ன செய்ய வேண்டும்? அது காப்பியில் மூழ்கியோ அல்லது சொகுசான சோஃபாவில் அமர்ந்தோ உயிர் வாழ முடியுமா?மீன் தனது வீட்டிற்குத் திரும்பிச் சென்றால் தான் சந்தோஷமாக வாழமுடியும் -அதாவது தண்ணீர் !அதைப் போலவே, மனித மனங்களும் தமது சொந்த இல்லங்களான,ஒவ்வொரு ஜீவ ராசியினுள்ளும் உறையும் இறைவனிடம், திரும்பிச் சென்று அடைந்தே ஆக வேண்டும். ஆத்ம விசாரத்தை நோக்கித் திரும்பினால் மட்டுமே மனச் சாந்தி கிட்டும்.