பல மனிதர்கள் இறைவனது தரிசனத்தைப் பெறுவதைப் பற்றிப் பேசுகிறார்கள். இது சிறுபிள்ளைத்தனமான ஆசை.அவர்கள் காணும் அனைத்திலும் இறைவன் இருக்கிறான் என்பதை அவர்கள் உணரவில்லை.இறைவன் நம்மைச் சுற்றி இருக்கும் அனைத்திலும் வெளிப்படுகிறான் என்பதை உணராத ஒருவன், ஒரு முட்டாள் என்று மறை நால்கள் பறைசாற்றுகின்றன. இந்த பிரபஞ்சத்தில் உள்ள ஒவ்வொரு ஜீவராசியும், ஒவ்வொரு அணுவும் தெய்வீகத்தால் ஊடுருவி உள்ளது.எனவே,நீங்கள் உங்களுள் உள்ள தெய்வீகத்தை அறிய முயன்று,அனைத்து ஜீவராசிகளிலும் உறையும் இறைவனையும் உணர வேண்டும்.உங்களது அன்பான இயல்பை வெளிப்படுத்த வேண்டுமே அன்றி, கல்லான இதயமுள்ளவராக ஆகக் கூடாது.இதற்கு, நீங்கள் சகிப்புத் தன்மை, ப்ரேமை மற்றும் கருணையை வளர்த்துக் கொள்ள வேண்டுமே அன்றி,எந்த விதமான பாபகரமான முறைகளில் ஈடுபடக் கூடாது. நீங்கள் பிறருக்கு துன்பம் விளைவித்தால்,உங்களது ஆசைகள் ஒருபோதும் பூர்த்தி அடையாது. நீங்கள் பொறாமை,தற்பெருமை மற்றும் படாடோபம் நிறைந்தவராக இருந்தால், நீங்கள் இறைவனை சந்தோஷப் படுத்த முடியாது. மாசற்ற ப்ரேமைக்கு இறைவன் உடனே பதிலளிப்பானே அன்றி, ஒருபோதும் பணம், பலம் அல்லது பதவிக்கு அல்ல.