ஒப்புயர்வற்ற இறைவனால் எண்ணற்ற ரூபங்களை, இந்த பிரபஞ்சம் அனைத்துமான ரூபத்தையும் சேர்த்து,ஏற்று வர முடியும்.எனவே தான் மறைநூல்கள், ''அனைத்து பிரபஞ்சமும் இறைவனின் உறைவிடமே. அனைவரும் தெய்வீகத்தின் ரூபங்களே'' என பறை சாற்றுகின்றன.ஒரு தெய்வீக அவதாரத்தை காணும் மக்கள், தங்களைப் போன்ற அதே உடலைக் கொண்டிருக்கும் போது, இறைவனுக்கு இப்படிப் பட்ட அற்புதமான சக்திகள் இருக்க முடியுமா என சந்தேகிக்கின்றனர்.ஆத்மாவுடன் தங்களுக்குள்ள ஒன்றிணைந்த உறவைப் புரிந்து கொள்ள இயலாத மக்கள், அவதாரத்தை உணரத் தவறி விடுகின்றனர்.இப்படிப் பட்ட மனிதர்கள் பகவான் ஸ்ரீகிருஷ்ணரை ஒரு ஊதாரி என்றும் ஒரு திருடன் என்றும் பரிகசித்தனர்.மாயையினால் எழுந்த இப்படிப் பட்ட குற்றச்சாட்டுகள், அவரது மஹிமையை ஒரு போதும் குறைக்க முடியாது. பகவான் ஸ்ரீகிருஷ்ணரின் லீலைகள் அவரது தெய்வீகத்தை வெளிக் காட்டுவதையே நோக்கமாகக் கொண்டவை.மனிதர்களும் தங்களைப் பற்றியும் அதே தவறைச் செய்கின்றனர்;தங்களது உள்ளார்ந்த தெய்வீகத்தை மறந்து விட்டு தங்களை , வெறும் உடல்கள் எனவே எண்ணுகிறார்கள். பகவான் ஸ்ரீகிருஷ்ணரின் அவதாரம், மனித குலம், தங்களது உடல் உணர்விற்கு அப்பாற்பட்டு செல்வதைக் கற்பிப்பதற்காகவே ஏற்பட்டது.