அனைத்தின் அடிப்படை அஸ்திவாரம் நல்லொழுக்கமே.நல்லொழுக்க நெறிகள் இன்றி மனித குலம் தழைக்க முடியாது. பெரும்பாலும், பல மதத்தைச் சார்ந்தவர்கள், வேறுபட்ட குறிக்கோள்களை கொண்டிருப்பதால், அடிப்படைச் சத்தியத்தை காண இயலாதவர்களாக இருக்கிறார்கள்; அதன் காரணமாக மாறுபட்ட கருத்துக்களைக் கொண்டு இருக்கிறார்கள். உதாரணமாக, ஒருவர் ஒரு ரூபாய்க்கு நான்கு கால் ரூபாய்கள் என்கிறார்; மற்றொருவர் இரண்டு அரை ரூபாய்கள் என்றும் மூன்றாமவர் பத்து 10 பைசா என்றும் கூறுகிறார்.இந்த நாணயங்கள் எல்லாம் ஒரே ரூபாயைத் தான் குறிக்கின்றன. பிடிவாதம் கொண்டவர்களாகி விட்ட மற்றும் இந்த ஒற்றுமையைக் காணத் தவறி விட்ட அறியாத மனிதர்களே,வேற்றுமைகளைக் கற்பனை செய்து கொண்டு ஒருவரை ஒருவர் விமர்சிக்கின்றனர். மறைநூல்கள்,மத சம்பந்தப் பட்ட விஷயங்களில் சர்ச்சைகளோ, தர்க்கங்களோ இருக்கக் கூடாது என போதிக்கின்றன.அவை அமைதியான முறையில் தீர்க்கப் பட வேண்டும். அனைத்து மதங்களின் வழிகாட்டுதல்களும் இறுதிக் குறிக்கோளான சத்யம் மற்றும் தர்மத்திற்கே இட்டுச் செல்கின்றன.