பள்ளிகளிலும்,கல்லூரிகளிலும் பயிலும் மாணவர்களின் எண்ணிக்கை மிகக் குறிப்பிடத் தக்க அளவு உயர்ந்துள்ளது.சில பண்டிதர்கள் மற்றும் பணக்காரக் குழந்தைகளின் சிறப்புரிமையாக பல காலம் இருந்த, முறையான கல்வி ஒவ்வொருவரின் வாசல் படிக்கே வந்து விட்டது.உலக நாடுகளில் பள்ளிகளும், கல்லூரிகளும் மேலும் மேலும் வந்தபோது, அவற்றின் வாயிலாக என்ன நிகழ்கிறது என்பதை அறியாமலேயே, மக்கள் ஆனந்தக் களிப்பு அடைந்தார்கள்.கலகம்,அச்சம் மற்றும் கலக்கம் ஆகியவை, முறையற்ற மற்றும் முழுமையல்லாத கல்வியினால், அதிகரித்துக் கொண்டே போகின்றன. சரியான பண்புகளைப் புகட்டாத அல்லது நல்லொழுக்கங்களுக்கு முக்கியத்துவம் தராத கல்வி முறை அபாயகரமானது.இதன் காரணமாக, இந்த முறையில் பயின்ற மாணவர்கள், நற்பண்புகளைப் பற்றிய உணர்வே இன்றி, படிப் படியாக, நாடுகளின் நிர்வாகத்தில் மிக உயர்ந்த பதவிகளில் அமர்ந்து விட்டனர்.எனவே, உலகமே ஒரு பேரழிவின் விளிம்பிற்கு வந்து விட்டது. தொழில் நுட்பத் திறன்கள் மற்றும் சம நிலையான அறிவுடன் கூடவே, மாணவர்களுக்கு நல்லொழுக்க இலட்சியங்களும்,தார்மீகமான வாழ்க்கை நடத்தும் முறைகளும், ஆன்மீக நுண்ணறிவும் அளிக்கப் பட்டால் மட்டுமே கல்வி ,சாந்தி, சௌகரியங்களை அளிக்க முடியும்.