ஆரோக்யம்,தலை சிறந்த வரப்பிரசாதம். அது இல்லை என்றால், ஒரு மிகச் சிறிய காரியத்தைக் கூடச் செய்ய இயலாது.உலகியல்,ஒழுக்கம்,அரசியல், பொருளாதாரம், கலை மற்றும் ஆன்மீகத் துறைகளில் உங்களது முன்னேற்றத்திற்கு ஆரோக்யம் இன்றியமையாதது.ஆராக்யத்தைப் பேணிக் காத்திட வேண்டும் என்றால்,உணவுப் பழக்க வழக்கங்கள் முக்கியத்துவம் வாய்ந்தவை. '' நிதானம் இல்லை எனில் வெற்றி இல்லை'' என்பதே தாரக மந்திரம். 84 லக்ஷம் வகை உயிரினங்களில் மனிதனைத் தவிர அனைத்தும் இயற்கை அன்னை தரும் உணவையே உண்டு வாழ்கின்றன.மனிதர்கள் மட்டுமே வேகவைப்பது,வறுப்பது,குளிரச் செய்வது மற்றும் கலப்பது, அரைப்பது மற்றும் ஊற வைப்பது போன்ற முறைகளால் உணவை, அறுசுவை படைத்ததாகவும், கண்,கை மற்றும் மூக்கு போன்ற புலனுறுப்புக்களுக்குக் கவர்ச்சியாக இருக்கும் வகையிலும், சமைக்க முயலுகின்றனர்.இயற்கை உணவே உண்மையில் பலனளிக்க வல்லது.நாவைத் திருப்திப் படுத்த, நீங்கள் பலமான உணவை மூன்று அல்லது அதற்கு மேலும் அதிக முறை தினமும் உண்டீர்களானால், நோய் வாய்ப்பட்டு,இளமைத் துடிப்பை இழந்து விடுவீர்கள். நிதானம், கட்டுப் பாடு மற்றும் வரையறைகள் நாக்கிற்குக் கண்டிப்பாக இருக்க வேண்டும். முறையாக மற்றும் அளவோடு உண்டால் மட்டுமே நீங்கள் உங்கள் கடமைகளை ஆற்ற முடியும்.