நீங்கள் ஒருவரை நமஸ்கரிக்கும் போது,நீங்கள் உங்களையே தான் நமஸ்கரிக்கிறீர்கள் என்பதைப் புரிந்து கொள்ளுங்கள்.அந்த, '' ஒருவர்'' உங்களது பிரதிபிம்பமே அன்றி வேறல்ல.நீங்கள் கண்ணாடியில் உங்களது பிரதிபிம்பத்தை எவ்வாறு பார்க்கிறீர்களோ, அவ்வாறே பிறரை நோக்குங்கள். உங்களைச் சுற்றி பல கண்ணாடிகள் இருக்குமானால், நீங்கள் பல பிரதி பிம்பங்களைக் காண்பீர்கள். பிரதி பிம்பங்கள் பலவாக இருக்கலாம், ஆனால், அவற்றில் தோன்றும் மனிதர் ஒருவரே. பிரதி செயல்கள்,பிரதி உணர்வுகள், பிரதி ஓசைகள் பலவாக இருக்கலாம் ஆனால் சத்தியம் ஒன்றே. நாம,ரூபங்கள் வெவ்வேறாக இருக்கலாம்,ஆனால் அவை அனைத்தும் ஒரே தெய்வீக தத்துவத்தின் அங்கங்களே.இவ்வுலகின் வெளித் தோற்றங்களில் காணப்படும் வேற்றுமைகளின் அடிப்படையில் இருக்கும் தத்துவம் தெய்வீகமே.நான் இங்கு பேசும்போது, என்னுடைய குரல் இந்த மண்டபத்தின் ஒவ்வொரு ஒலி பெருக்கியின் வழியாகவும் கேட்கப் படுகிறது. அதைப் போலவே,நமது இதயங்களில் ஐக்கியத்தின் தத்துவம் இருக்கிறது; அதை நாம் உணர வேண்டும்.