இந்த உலகம்,நல்லவை-கெட்டவை,சரியானவை-தவறானவை,சுகம்-துக்கம், வெற்றி-தோல்வி ஆகியவற்றின் ஒரு கலவையே.ஒன்றுக்கொன்று எதிர்மறையாக உள்ள இப்படிப் பட்டவை நிறைந்திருக்கும் இந்த ஒரு உலகத்தில், நீங்கள் ஸதாஸர்வ காலமும் சரியான மற்றும் முறையானவை, தவறானவை மற்றும் விரும்பத் தகாதவை ஆகியவற்றிலிருந்து தேர்ந்து எடுக்க வேண்டும்.மனம் உங்களை வழி நடத்துமாறு நீங்கள் விட்டு விடக்கூடாது.உங்களது புத்தி காட்டும் வழிகளையே பின்பற்ற வேண்டும். நீங்கள் மனதைப் பின்பற்றி இருக்கும் வரை, நீங்கள் இறைவனை அடைய முடியாது.இளைஞர்கள் பெரும்பாலும், புத்தியைப் புறக்கணித்து, மனதின் விருப்பங்களின் படி நடப்பதால்,கலக்கங்களுக்கும், விரக்திகளுக்கும் உள்ளாகிறார்கள். பகுத்தறிவு இப்படிப் பட்ட சந்தர்ப்பங்களைத் தவிர்ப்பதில் மிகப் பெரும் உதவியாக உள்ளது.உங்களையே நீங்கள் '' நான் ஒரு மனிதன்; இந்த சந்தர்ப்பத்தில் நான் மற்றவர்களின் கனிவையும், மரியாதையையும் பெற எவ்வாறு நடந்து கொள்ள வேண்டும்?'' என்று கேட்டுக் கொண்டு.அதன் படி நடந்து கொள்ளுங்கள். நீங்கள் என்ன செய்ய வேண்டும்,எங்கு செல்ல வேண்டும் என்பதற்கான விடைகளை நீங்கள் கட்டாயம் கண்டு பிடிப்பீர்கள். பணிவும், பகுத்தறிவும் ஒரு படித்த மனிதரின் அறிகுறிகள்.