படிப்பதன்(studying) நோக்கம் என்ன?நீங்கள் உறுதியாக வேறூன்றி (steady) இருப்பதற்கு படிக்க ( study ) வேண்டும்.உங்களுக்கு உறுதியான நிலையான மனம் இருக்குமானால், நீங்கள் வளம் பெறலாம்.உங்கள் மனம் கடிகாரத்தில் உள்ள பெண்டுலம் போல ஊசலாடக்கூடாது.உங்கள் இதயத்தில் உள்ள தெய்வீக அன்பு நிலையாக இருக்குமாறு பார்த்துக் கொள்ளுங்கள்.கல்வியின் குறிக்கோள் வெறும் புத்தக அறிவைப் பெறுவதோடு மட்டும் இல்லாமல், அதை உங்கள் வாழ்க்கையிலும் பயன்படுத்துமாறு இருக்க வேண்டும். உங்களது கல்வி வாழ்க்கைக்காக இருக்க வேண்டுமே அன்றி, வெறும் வாழ்க்கை நடத்துவதற்காக மட்டும் இருக்கக் கூடாது.பறவைகளும், விலங்குகளும் படிக்காமலேயே வாழ்க்கை நடத்துகின்றன,ஆனால் உங்களது கல்வி ,நீங்கள் வலுவான மற்றும் நல் ஒழுக்கங்களைப் பெறுமாறு செய்ய வேண்டும்.இந்த வாழ்க்கையில் உங்களது மிக உயர்ந்த குறிக்கோள் இறைவனாகத் தான் இருக்க வேண்டும்.பலர் தினசரிகள் மற்றும் இதர வட்டாரங்களிலிருந்து ஜெர்மனி,அமெரிக்கா ஆகியவற்றில் என்ன நிகழ்கிறது என்பதைத் தெரிந்து கொள்ள நிறைய செய்திகளைச் சேகரிக்கிறார்கள். இவற்றைத் தெரிந்து கொள்வது நல்லது தான் ஆனால், அவை மிகவும் முக்கியமானவை அல்ல. கல்வியின் குறிக்கோள் உங்களுக்கு ஒரு மிக உயர்ந்த இலட்சியத்தில் மனக்குவிப்பை ஏற்படுத்துவதற்காக இருக்க வேண்டுமே அன்றி, மனதை பலவிதமான செய்திகளைச் சேகரித்து வைக்கும் வெறும் ஒரு நூலகத்தைப் போல ஆக்குவதற்காக அல்ல.