யார் தீய மனிதன்?நல்லவற்றில் தீமையைக் காண்பவர் தீயவர்; அவர்களிடமிருந்து விலகி இருங்கள்.நீங்கள்,தெரிந்தோ தெரியாமலோ, தீயவரது நட்பு வட்டத்தில் சேர்ந்தீர்கள் என்றால்,நீங்கள் நற்குணங்களை இழந்து விடுவீர்கள்.பலர் தீய நட்பின் காரணமாக கீழ்த்தரமான விதியை அடைந்திருக்கிறார்கள்.நல்ல மனிதன் யார்? தீய மனிதரில் கூட நல்லவற்றைக் காண்பவர் எவரோ, அவரே நல்ல மனிதர்.நீங்கள் நல்லவர்களுடன் நட்பை வளர்த்துக் கொள்ள வேண்டும்.உங்களிடம் சில தீய குணங்கள் இருக்கலாம்; அதனால் கவலைப் படவோ,அல்லது பலஹீனர்களாக உணரவோ வேண்டாம்.நற்குணங்களை மேலும் மேலும் வளர்த்துக் கொள்ளுங்கள்,இறைவன் எப்போதும் உங்களுள்,உங்களுடன்,உங்களைச் சுற்றி இருப்பான்;உங்களைப் பேணிக் காத்திடுவான்.நீங்கள் எந்தப் பணியை மேற்கொண்டாலும்,கவனமாக பகுத்தறியுங்கள்;சீரிய வழியைப் பின்பற்றி எப்போதும் நற்காரியங்களையே செய்யுங்கள்.உங்கள் இதயத்தைத் தூய்மையாகவும், புனிதமானதாகவும் வைத்துக் கொள்ளுங்கள்.ஒருபோதும் அதை தீய எண்ணங்கள் மற்றும் தீய உணர்வுகளால் நிரப்பாதீர்கள்.நீங்கள் சீக்கிரமாகப் புறப்பட்டு,நிதானமாகப் பயணித்து, பாதுகாப்பாக சென்றடையுங்கள். நீங்கள் நற்குணங்களைப் பெருக்கிக் கொள்ளும் போது, உங்களது எதிர்காலப் பயணம் சீரானதாக இருக்கும்.