துன்பங்களும்,துயரமும் ஒருவருக்கு பொறுமை மற்றும் சகிப்புத் தன்மைக்கான திறனைப் பேணி, வளர்த்துக் கொள்வதற்கு உதவுகின்றன.ஆனால்,மன பலஹீனம் மற்றும் அறியாமையால் மனிதர்கள் துன்பம் தரும் அனுபவங்களையும், துயரத்தையும் பொதுவாக விலக்கவே செய்கின்றனர். பலஹீனமாவர்களாக இருக்காதீர்கள்; தைரியசாலிகளாக, கஷ்டங்களுக்கு வரவேற்பு அளியுங்கள். அவைகள் வரட்டும்;எவ்வளவு அதிகம் வருகின்றவோ அவ்வளவு நல்லது.இப்படிப்பட்ட தைரியமான மனப்பாங்கு இருந்தால் மட்டுமே, உங்களுள் மறைந்து இருக்கும் சகிப்புத் தன்மையை வெளிக் கொண்டு வர முடியும்.ஒரு பரீட்சையில் தேர்வு பெறாமல் நீங்கள் உயர் வகுப்புக்களுக்கு எவ்வாறு செல்ல முடியும்? குறிப்பிட்ட அளவு மதிப்பெண்களைப் பெற்று,பரீட்சையில் தேர்வு பெற்றால் தான்,நீங்கள் உயர் வகுப்புகளுக்கு முன்னேறத் தகுந்தவர் என்று அறிவிக்கப் படுகிறீர்கள். தேர்வுக்குத் தயாராகும் போது நீங்கள் மன அழுத்தத்தையும்,துன்பங்களையும் எதிர்கொள்ள வேண்டி இருந்தாலும்,உயர்வு கிட்டும் போது எவ்வளவு இனிமையாக இருக்கிறது! எனவே,கஷ்டங்களை, உயர்வான விஷயங்களுக்காக உங்களைத் தயார் செய்யும் பரீட்சைகளாக வரவேற்று, துன்பங்கள் சூழும் போது மகிழ்ச்சி கொள்ளுங்கள்;ஏனெனில்,அப்போது தான் சகிப்புத் தன்மை உண்மையில் மலருகிறது.