நாக்கு இதயத்தின் கவசம் போன்றது;அது உங்களது உயிரைக் காக்கக் கூட செய்கிறது. உரத்த பேச்சு,நீண்ட பேச்சு,அர்த்தமற்ற பேச்சு , த்வேஷமும், க்ரோதமும் நிறைந்த பேச்சு- இவை எல்லாம் உங்கள் உடல் நலனைப் பாதிக்கின்றன. அவை பிறரிடம் க்ரோதத்தையும், த்வேஷத்தையும், வளர்க்கின்றன; அவை பிறர் மனதைக் காயப்படுத்தி,தூண்டி,கோபமடையச் செய்து, பிளவை ஏற்படுத்துகின்றன.ஏன் மௌனம் தங்கத்தைப் போன்று மதிப்புடையது எனப் படுகிறது?மௌனமான ஒருவருக்கு எதிரிகள் இல்லை; அவன் அல்லது அவளுக்கு நண்பர்கள் இல்லாமல் இருக்கலாம். அவர்களுக்குத் தங்களுள் ஆழ்ந்து சென்று,தமது சொந்தக் குறைகள் மற்றும் தோல்விகளை ஆராய்வதற்கான அவகாசமும், வாய்ப்பும் இருக்கிறது. இவைகளை பிறரிடம் தேடும் மனப்பாங்கு அவர்களுக்கு அதற்குப் பிறகு இருப்பதில்லை. உங்களது கால் தவறினால்,உங்களுக்கு எலும்பு முறிவு ஏற்படுகிறது; உங்களது நாவு தவறினால்,யாராவது ஒருவரின் நம்பிக்கை அல்லது மகிழ்ச்சியை முறித்து விடுகிறீர்கள். அந்த முறிவை ஒரு போதும் சரி செய்ய முடியாது; அந்தக் காயம் எல்லாக் காலமும் நீடிக்கும். எனவே, நாவை மிகுந்த கவனத்துடன் பயன்படுத்துங்கள். நீங்கள் எந்த அளவு இதமாக, மிதமாக, அதிக இனிமையாகப் பேசுகிறீர்களோ, அந்த அளவு அது, உங்களுக்கும்,இந்த உலகிற்கும் நல்லது.