மௌனமே,தன்னை உணர்ந்தவர்களின் மொழியாகும்.பேச்சில் நிதானத்தைக் கடைப்பிடியுங்கள்.அது பல வழிகளில் உங்களுக்கு உதவும்.அது அன்பை வளர்க்கும்,ஏனெனில் பல தப்பான அபிப்பிராயங்களுக்கும்,பிரிவுகளுக்கும் கவனமின்றி பேசப்பட்ட வார்த்தைகளே காரணமாகின்றன.கால் தவறினால், அதனால் ஏற்படும் காயத்தை ஆற்றி விடலாம்;ஆனால் நாக்குத் தவறி விட்டால், அதனால் மற்றவர்களது இதயத்தில் ஏற்படும் காயம் வாழ்நாள் முழுவதும் நீடிக்கும். நாக்கு நான்கு விதமான பெரிய தவறுகளுக்குக் காரணமாக உள்ளது; பொய் பேசுவது,வம்படிப்பது,பிறரிடம் குறை காண்பது மேலும் அதிகமாக கூச்சலிடுவது.தனி மனிதன் மற்றும் சமுதாயத்தில் சாந்தி நிலவ வேண்டும் என்றால், இவை தவிர்க்கப் பட வேண்டும். மனிதர்கள் குறைவாகவும் இனிமையாகவும் பேசினால் பரஸ்பர உறவு பலப்படுத்தப் படும். அதனால்தான் மௌனம்,ஆன்மீக சாதகர்களுக்கான விரதமாக சாஸ்திரங்களால் அறிவுறுத்தப் படுகிறது. நீங்கள் அனைவருமே ஆன்மீகப் பாதையில் வெவ்வெறு நிலைகளில் உள்ள ஆன்மீக சாதகர்களே; எனவே இந்த கட்டுப்பாடு உங்களுக்கு மிகவும் மதிப்பு வாய்ந்ததாகும்.