மனிதன்,பல விதமான நல்ல குணங்களை விலங்குகள்,பறவைகள்,புழு, பூச்சிகளிடமிருந்து கற்றுக் கொள்ள முடியும்.கழுதை மிகவும் துச்சமாகக் கருதப்படுகிறது. ஆனால் கழுதையிடம் இருக்கும் பொறுமை குணம் மனிதனிடம் கூடக் காணப்படுவது இல்லை.எந்த விதமான சுமைகள் அதன் முதுகில் ஏற்றப் பட்டாலும்,அவை அனைத்தையும் சகிப்புத் தன்மையுடன் ஏற்றுக் கொள்கிறது.அது உணவோ,நீரோ இல்லாமல் பட்டினி போடப்பட்டாலும், அமைதியான முகத்துடன் இருக்கிறது. மனிதன் இப்படிப் பட்ட சகிப்புத் தன்மை என்ற குணத்தை கழுதையிடமிருந்து கற்றுக் கொண்டே ஆக வேண்டும். எறும்பு அனைத்துப் பூச்சிகளிலும் மிகவும் சிறியது. ஆனால், எறும்பிற்கு தீர்க்க தரிசனம் என்ற குணம் உள்ளது; மழைக்காலம் வரும் என்பதை உணர்ந்து, மூன்று மாதங்களுக்கு முன்பே இருந்து உணவைச் சேகரிக்க ஆரம்பிக்கிறது. பின்னர் சிலந்தி-மன உறுதியே அதன் ஒரு குணம். எவ்வளவு முறை அதனது வலை அறுக்கப் பட்டாலும்,இடையறாத உறுதியுடன் சிலந்தியானது தனது வலையைப் பின்னிக கொண்டே இருக்கும்.