இறைவன் உங்கள் ஒவ்வொருவர் உள்ளும்,உங்களை இயக்கும் சக்தியான ஆத்மாவா இருக்கிறான்; அப்படி இறைவனது குறிக்கோளை, அவனது ஸங்கல்பத்தின் படி, அவனது சட்ட திட்டங்களின்படி நிறைவேற்றுபவர்களாக நீங்கள் இருக்கும்போது,நீங்கள் எப்படித் தீயவர்களாக இருக்க முடியும்? இறைவன் ,நீங்கள் அவனே நாடி, அவனை அடைவதற்கு ஏற்ற பல திறன்களை உங்களுக்கு அளித்துள்ளான்.அதனால் நீங்கள் ஏதோ, நிராதரவான, கைவிடப்பட்ட,மரண தண்டனையை அனுபவிக்கும் ஒருவர் அல்ல.நீங்கள் பரமானந்தத்தின் ஸ்வரூபங்கள் மேலும் உங்களுக்கே அனைத்தும் உரித்தான வளமான பாரம்பரியத்தில் பிறந்தவர்கள்.நீங்கள் அதைக் கேட்கத்தான் தவறி விடுகிறீர்கள்.உங்களது விதியில் நம்பிக்கை வைத்து,அதை அடைவதற்காக சீராகப் பாடுபடுங்கள்! பக்தி என்பது இறைவன் பால் பற்று வைப்பதே- அதற்காக வீடு வாசல்கள் தேவையில்லை.விதையை, அதன் தாய் மரத்தில் இருந்து தள்ளி நட்டால், வேறு விதமாகவா முளைக்கும்?இல்லை! அந்த விதையை வேக வைத்து விட்டால், அது மறுபடியும் முளைக்காது.அதைப் போலவே, உங்களது தீய உணர்வுகள் மற்றும் உந்துதல்களை வேக வைத்து, உங்களை அடிமைப் படுத்தும் புலன்களின் ஆசா¡பாசங்களை சுட்டு எரித்து விடுங்கள்.பின்னர் நீங்கள் எங்கிருந்தாலும் இறைவனுக்கு அருகில் சென்று விடுவீர்கள்.