ஒவ்வொருவரும் சுக,சௌக்கியங்களையே நாடுகிறார்கள்;அது ஒன்று தான் முக்கியமானது என்று கருதப்படுகிறது.நீங்கள் யாரிடமாவது,அவனோ அல்லது அவளோ, எதை வேண்டுமானாலும்,எவ்வளவு வேண்டுமானாலும் சாப்பிடலாம் என்று சொன்னீர்களானால், அவர்கள் பரமசந்தோஷம் அடைவார்கள். அதோடு கூடவே, அப்படிச் செய்வதால், இயற்கையாகவே, அவர்கள் பல வியாதிகளுக்கு ஆளாவார்கள் என்பதைக் கூறி, அதனால் அனுபவிக்க வேண்டிய துயரங்களையும் விவரித்தீர்களானால், நீங்கள் உடனேயே அவர்களது எதிரிகளாக ஆகி விடுவீர்கள் ! எந்தப் பத்தியமும்,கட்டுப்பாடும் ஜன ரஞ்சகமானதல்ல. ஆனால், கட்டுப்பாடு, வரையறை மற்றும் ஒழுங்கு முறைகளால் மட்டும் தான் சக்தி பெறப்படுகிறது என்பதைப் புரிந்து கொள்ளுங்கள். துன்பங்களை எதிர்கொள்வதால் மட்டுமே ஒருவர் வலுவானவராகவும், தாங்கும் திறன் கொண்டவராகவும் ஆகிறார். போராடுங்கள்,வெல்வதற்கான சக்தியை நீங்கள் பெறுவீர்கள். கண்களுக்குப் புலப்படுபவற்றின் ஆதாரத்தை, கண்களுக்குப் புலப்படாதவற்றில் தேடுங்கள். உயர்ந்த பலமாடி அடுக்குக் கட்டிடம், மண்ணில் ஆழமாக ஊன்றியுள்ள அஸ்திவாரத்தைக் கொண்டதாகும்.