ஒரு தனி மனிதனோ அல்லது ஒரு நிறுவனமோ,அவர்களது நேர்மை மற்றும் அவர்களது செயல்கள் அவர்கள் பறை சாற்றுகின்ற கோட்பாடுகளுக்கு ஏற்றவாறு உள்ளதா என்பதைப் பொறுத்துத் தான் கணிக்கப் படுகின்றனர். மனம்,உடல் மற்றும் செயல்-இந்த மூன்றும் ஒன்று போலப் பணி புரிய வேண்டும்.எப்போது கர்மா இவ்வாறு கட்டுப் படுத்தப் பட்டு,ஒழுங்கு படுத்தப் படுகிறதோ, உங்களது புலன்கள், தானாகவே சீரடைந்து,நீங்கள் நிரந்தரமான சாந்தியைப் ( பிரசாந்தி) பெறுவீர்கள்.இதிலிருந்து பிரகாந்தி என்ற பேரொளி எழுந்து, அதிலிருந்து பரமஜோதி உருவாகும். இந்த ஒளிப் பிழம்பு, உங்களுள் உறையும் பரமாத்மாவை உங்களுக்கு எடுத்துக் காட்டும் ! கோபத்தையும், காமத்தையும் வென்று, இடையறாத ஜப,தியானங்களைப் பயிலுவதின் மூலம் அன்பைப் பெறுவது என்று உங்களுக்கு என்று அமைக்கப் பட்டுள்ள பாதையைக், கடைப்பிடித்து, நீங்கள் வெற்றி பெற வேண்டும்;அது இதயத் தாமரை மலர்ந்து, உங்களுள் உறையும் தெய்வீகம் வெளிப்படும் நிலைக்கு உங்களை இட்டுச் செல்லும்.