ஒரு தாய்,தனது சட்டையை அழுக்காக்கிக் கொண்டு விட்ட ஒரு குழந்தையை கையில் ஏந்தி,அதற்கு ஒரு புதிய சட்டையைப் போட்டு விடுகிறாள்.இறப்பு என்பது அழுக்கான சட்டையை எடுத்து விட்டு,புதுச் சட்டையைப் போடுவது போலாகும்.தாய் தன் இஷ்டப்படிச் செய்யட்டும்,அவளது கைகளில் மனமுவந்த குழந்தையாக இருங்கள். அவளது அன்பு மற்றும் அறிவில் முழு நம்பிக்கை வையுங்கள்.ஒரு கருவி போல இருங்கள்; உங்களது ஸங்கல்பங்களை இறைவனது ஸங்கல்பங்களோடு ஒன்றரக் கலந்து விடுங்கள். அது உங்களை கவலை மற்றும் துன்பத்திலிருந்து காப்பாற்றும்.வழி தவறி விட்ட மனிதர்களைக் கண்டு மனதைக் குழப்பிக் கொள்ளாதீர்கள். அது,தேங்கி நிற்கும் குட்டை நீரைப் பார்த்து விட்டு , பின்னர் மழை நீரே அசுத்தமானது என்று முடிவுக்கு வருவது போலாகும். மழை நீர் தூய்மையானதே; மண்ணே அதை அசுத்தப் படுத்துகிறது.மேலும் எவரையும் பழிக்காமல் இருப்பதில் கவனமாக இருங்கள்.அது இறைவனையே பழிப்பது போலாகும்.உங்களுள் மற்றும் ஒவ்வொருவர் உள்ளும் உள்ள இறைவனை உணர்ந்திருங்கள். நீங்கள் இதைச் செய்தீர்கள் என்றால், உங்களுக்குக் கிடைக்கும் சாந்தி, சந்தோஷங்களுக்கு ஈடு இணையே இல்லை.உங்களுக்கு அந்த ஆனந்தம் கிடைக்கட்டும் என நான் ஆசீர்வதிக்கிறேன்.