மனதை எவ்வாறு அழிப்பது? அது என்ன என்று நீங்கள் தெரிந்து கொண்டு விட்டால், அப்படிச் செய்வது மிகவும் எளிதாகி விடும்.ஒரு காற்று நிரம்பிய கால் பந்தைப் போன்று, ஆசைகளால் நிரம்பியதே மனம்.அதில் ஒரு ஓட்டை போட்டு விடுங்கள்; பின்னர் அது இங்கும் அங்கும் செல்ல முடியாது. ஒரு பாசனக் கால்வாயிலிருந்து நீரைப் பெறுகின்ற ஒரு சதுரமான வயலில், தண்ணீர் சதுரமாகத் தெரியும்.அந்த நிலம் வட்டமாகவோ அல்லது செவ்வக வடிவிலோ இருந்தால்,தண்ணீரும் அந்த வடிவில் தோற்றமளிக்கும்.மனமும் கூட ஒருவரது ஆசைகளின் வடிவத்தை எடுத்துக் கொள்கிறது.மற்றும் ஒரு உதாரணத்தை எடுத்துக் கொள்ளுங்கள்- மனம் ஆசைகள் என்ற நூலிழைகளால் ஆன ஒரு துணி போன்றது. அந்தத் துணியின் நெசவமைப்பு, நிறம், நீடிக்கும் தன்மை,வழவழப்பு மற்றும் பளபளப்பு, ஆசைகள் என்ற அந்த நூலிழைகளின் தன்மையைப் பொறுத்தே இருக்கும்.அவற்றை இழை, இழையாகப் பிரித்து எடுத்து விட்டால்,தானாகவே அந்தத் துணி மறைந்து விடுகிறது. இதுவே '' மனோ நாஸனம்''-அதாவது மனதை அழிப்பதற்கான உத்தியாகும். ஒரு ஞானி மனதின் அனைத்துச் சுவடுகளையும் இவ்வாறு துடைத்து எறிந்து விடுவான்.