பிரார்த்தனையும்,செய்த தவறுக்கு மனமாற வருந்துவதும் மனதிலிருந்து அஹங்காரம் மற்றும் வெறுப்பை நீக்குவதற்கான இரண்டு கட்டுப்பாட்டு முறைகள்; இதை எவ்வாறு செய்வது என்பதற்கு தியாகராஜ சுவாமிகள் ஒரு எடுத்துக்காட்டு.அவரது பாடல்கள் பக்தியின், மலர்ந்த தூய நறுமண மலர்கள் போன்றவை. இந்த உலகம் மற்றும் தனிமனிதரின் நலனைக் கருத்தில் கொண்டு அவர் ஸ்ரீராமனின் மஹிமையை ஆத்மார்த்தமாகப் பாடினார்.அவர் எப்போதும் தனது வார்த்தைகளையும் ,செயல்களையும் ஆராய்ந்து கொண்டும், அவற்றை பக்தி என்னும் உரைகல்லில் மதிப்பிடுவதுமாகவும் இருந்தார். தேனுக்காக, மலர்களைத் தேடி அலையும் தேனீயைப் போலவும், தான் கீழே விழுந்து விடுவோமா என மரத்தை இறுக்கச் சுற்றிக் கொண்டு படரும் கொடியைப் போலவும், நதியை நாடிப் பாயும் நீரோடை போலவும்,கடலை நாடிப் பாயும் நதியைப் போலவும், தியாகராஜ சுவாமிகள் ஸ்ரீராமனுக்காக ஏங்கித் தவித்தார். பகவான் ஸ்ரீராமன் அவருக்கு தரிசனம் அளித்து, பலமுறை அவரைக் காப்பாற்ற வேண்டி வந்தது.பக்தியின் மூலம் தியாகராஜ சுவாமிகள் இறைவனது அருகாமையை அனுபவித்துக் கொண்டு, எப்போதும் சாந்தி, சந்தோஷத்தில் திளைத்திருந்தார்.