இன்று விஞ்ஞானம் அதி வேகத்தில் முன்னேறிக் கொண்டு இருக்கும் அதே நேரத்தில், மனிதர்கள் ஒழுக்கத்தில் வீழ்ச்சி அடைந்து கொண்டே போகிறார்கள். ஒவ்வொரு செயலிலும், சுயநலமும் ,சுய அக்கறையும் ஆதிக்கம் செலுத்தி வருகின்றன.ஆசைகள் கட்டுக் கடங்காது பெருகி இருப்பதே மனிதர்களின் துயரத்திற்கும்,அழிவிற்கும் மூல காரணம்.நீங்கள் இந்த இரண்டு முக்கிய கோட்பாடுகளை பின்பற்றினால் மனித வாழ்க்கையின் இலக்கை எட்ட முடியும்-அதாவது '' ஸர்வ ஜீவ நமஸ்காரம் கேசவன் பிரதி கச்சதி ''- ஒவ்வொரு ஜீவராசிக்கும் நீங்கள் அளிக்கும் மரியாதை, இறைவனையே சென்று அடைகிறது; '' ஸர்வ ஜீவ திரஸ்காரம் கேசவன் பிரதி கச்சதி ''-அதைப் போலவே, எந்த ஜீவராசியை,நீங்கள் அவமதித்தாலும் அதுவும் அந்த இறைவனையே அவமதிப்பது போலாகும். அங்கிங்கெனாதபடி எங்கும் நிறைந்திருப்பவன் இறைவன் என்பதை புரிந்து கொண்டு அதை உள் மனதில் ஏற்றுக் கொள்ளுங்கள். பகவான் ஸ்ரீகிருஷ்ணர் ஸ்ரீமத் பகவத் கீதையில், உங்களது செயல்களின் பலன்களையும் தியாகம் செய்வதே இறைவனை உணர்வதற்கான சிறந்த மற்றும் எளிய வழி என பறைசாற்றுகிறார்.தியாகம் மட்டுமே, மோக்ஷத்திற்கான ஒரே வழி.சமுதாயத்திற்குச் சேவை ஆற்றி, துன்பத்தில் வாழும் ஏழை,எளியவருக்கு உதவி புரிந்து,மனித குணமான கருணையை வெளிப் படுத்துங்கள்.