முத்துக்களைப பெற நீங்கள் கடலில் ஆழத்தில் குதித்து மூழ்கித் தான் ஆக வேண்டும்.கடற்கரையின் அலைகளில் தேடி விட்டு,கடலில் முத்துக்களே இல்லை, அவை இருப்பதாகச் சொல்லுவது எல்லாம் கட்டுக்கதைகள் என்று சாதிப்பதால் என்ன பயன்?அதைப் போலவே,நீங்கள் ஸ்ரீசத்யசாய் அவதாரம் அல்லது எந்த தெய்வீக உருவின் முழுப் பயன்களையும் பெற வேண்டும் என்றால், அதில் ஆழப் பாய்ந்து, முழுமையாக அமிழ்ந்து விடுங்கள். அரை மனம், தயக்கம், சந்தேகம், விட்டேத்தியான மனப்பாங்கு, வதந்திகளைக் கேட்பது போன்றவை பயனளிக்க மாட்டா. மனக்குவிப்புடைய முழுமையான நம்பிக்கை மட்டுமே வெற்றி அளிக்கும்.உலகியலான செயல்களில் கூட இது உண்மையே ,இல்லையா?ஆன்மீகப் பாதையில்,இது இன்னும் எவ்வளவு அதிகம் உண்மையாக இருக்க வேண்டும் ? ஒரு நூறு பேர்,உங்கள் வீட்டிற்கு வந்து உங்களை அன்புடன் நடத்தலாம், ஆனால் நீங்கள் அவர்களில் எவரையும் ''அப்பா அல்லது டாடி '' என்று அழைப்பதில்லை. அதைப் போலவே, உங்களுக்குப் பிடித்த ஒரே ஒரு இறை நாம,ரூபத்தில் மட்டுமே பற்றுதலுடன் இருங்கள்.உங்கள் மனதை எல்லாக் காலங்களிலும் இந்த ரூபத்தில் நிலை கொண்டு இருக்குமாறு செய்யுங்கள்.