ஆயிரக்கணக்கான வழிகளில்,முறைகளில்,மனிதர்கள் தீவிரமாக சாந்தி, சந்தோஷங்களை நாடுகிறார்கள். ஆத்மாவின் ஆழ் நிலை, மனக் கட்டுப்பாடு, பலவிதமாகத் தோன்றும் இவை அனைத்தின் ஆதாரமாக உள்ள அந்த ஒன்றின் மீது வைக்கும் நம்பிக்கை, இவைகளில் மட்டும் தான் உண்மையான சாந்தி கிடைக்கும்.அந்த அனுபவத்தின் ஆனந்தத்தை, அதைத் தொடர்ந்து வரும் ஆழ்ந்த மகிழ்ச்சியை வார்த்தைகளால் விவரிக்க முடியாது. அனைத்து இறை நாமத்தைக் கேட்பதும்,பாடுவதும்( ஸ்ரவணம் -கீர்த்தனம்) உங்களை அந்த அனுபவத்தின் அருகில் கொண்டு செல்வதற்காகவே. ஸ்ரவணம் நீங்கள் உட்கொள்ளும் மருந்தைப் போன்றது; கீர்த்தனம் நீங்கள் வெளியில் தடவும் களிம்பைப் போன்றது.இரண்டும் தேவையானவையே. எத்தனை வழிகள் முடியுமோ, அத்தனை வழிகளில் இறைவன் பால் பக்தியை வளர்த்துக் கொள்ளுங்கள். உங்கள் மனமும்,புத்தியும் பயிற்சி அளிக்கப் பட்டு கட்டுப்படுத்தப் பட வேண்டும்; அது ஒன்றே குறிக்கோள்.