ஆன்மீக சாதனை மிகவும் இன்றியமையாத ஒன்று ஏனெனில் கர்மாவின் விளைவுகளை கர்மாவின் மூலமாகத் தான் போக்க முடியும்; ஒரு முள்ளை மற்றொரு முள்ளால் மட்டுமே எடுக்க முடிவது போல. ஒரு முள்ளை நீங்கள் கத்தியாலோ அல்லது சுத்தியாலோ, ஏன் ஒரு வாளாலோ கூட எடுக்க முடியாது. தெய்வத்தை உணர்ந்த உயர்ந்த முனிவர்களும் ஆன்றோர்களும்,இந்த உலகம் உண்மையானதல்ல என்ற அறிவைப் பரப்பினார்கள். ஆனால், மிகச் சிறந்த துறவிகளான ஆதி சங்கரர் போன்றவர்கள் கூட இந்த பொய்யான உலகத்தில், மடங்களை ஸ்தாபனம் செய்து,பாஷ்யங்களை எழுதி,கடிமான விவாதங்களில் பங்கேற்று, பணிகள் ஆற்றுவதைத் தொடர்ந்து செய்தனர். நீங்கள் கர்மா செய்யாமல் இருக்க இயலாது என்பதை இது விளக்குகிறது.ஆனால்,அது அன்பில் தோய்ந்து உலக நலனைப் பேண வேண்டும் என்பதில் நீங்கள் கவனமாக இருக்க வேண்டும்.உங்களை அன்பில் ஆழ்த்திக் கொண்டு உங்களது எண்ணங்கள் மற்றும் செயல்களை அன்பால் தூய்மைப்படுத்துங்கள்; பின்னர் இறைவனே உங்களது அந்தராத்மாவை விழிப்படையச் செய்வான் !