புத்தியானது வாத,பிரதி வாதங்களில் ஈடுபடுவதை விரும்புகிறது.இந்தத் தூண்டுதலுக்கு நீங்கள் ஒருமுறை பணிந்து விட்டால்.அதன் பிடிகளிலிருந்து விடுபட்டு,அதை நீங்கள் மறுப்பதால் மட்டுமே கிடைக்கக் கூடிய ஆனந்தத்தை, அனுபவிக்க பல காலம் பிடிக்கும். உங்களது உணர்வுகளும், உணர்ச்சிகளும் உங்களது எண்ண ஓட்டத்தைத் திரித்து,பகுத்தறிவை கட்டுக்கடங்காத காளையாக மாற்றி விடுகின்றன. பகுத்தறிவு மற்றும் தர்க்கத்தின் இந்த குறைபாடுகளை எப்போதும் நினைவில் கொள்ளுங்கள். அவை அடங்கி, பக்தியாக மாற வேண்டும்.ஒரு கால கட்டத்திற்குப் பின்,உங்களது ஆன்மீகப் பாதை பக்தி மற்றும் உள்ளுணர்வால் ஒளி பெற வேண்டும்.எனவேகவனமாக இருங்கள்- உங்களது புத்தி இறை வழியில் உங்களுக்கு ஒரு குறிப்பிட்ட தூரம் வரையில் தான் உதவ முடியும். பெரும்பாலும், அஹங்காரம் ஒருவர் தனது செயல்களை ஊக்குவித்து,அவற்றை நியாயப்படுத்த முயலும்; ஏனெனில், அது அவர் விரும்பும் வழியாக இருந்தால், அவரது பகுத்தறிவே,அந்தத் தவறான பாதையில் ஒருவரை இட்டுச் சென்று விடுகிறது ! நீங்கள் பெரும்பாலும், நீங்கள் விரும்புகின்ற முடிவையே எடுக்கிறீர்கள் ! எனவே, நீங்கள் செல்ல வேண்டிய பாதைக்கான தேர்வை கவனமாகச் செய்யுங்கள்!