இறைவனே அனைத்து ஜீவராசிகளுக்குள்ளும் உறைபவன்; அங்கிங்கெனாதபடி எங்கும் நிறைந்தவன்.அவனே ஒவ்வொரு ஜீவராசியின் அந்தராத்மா.அவன் உங்களுக்குள் எவ்வளவு இருக்கிறானோ,அவ்வாறே ஒவ்வொருவர் உள்ளும் இருக்கிறான்.அவன் பணக்காரனில் அதிகமாகவோ அல்லது குண்டானவரிடம் பெரியதாகவோ இருப்பதில்லை.அவனது ஒளிக்கீற்று ஒவ்வொருவரின் இதயக்குகையையும் வெளிச்சமாக்குகிறது. சூரியன் அனைத்தின் மீதும் சமமாகத்தான் ஒளியைப் பொழிகிறான்; இறைவனது அருளும் அனைத்தின் மீதும் ஒரே மாதிரியாகத் தான் விழுகிறது. அவனது கருணைக் கிரணங்கள் உங்களைத் தொட்டு,உங்களது இதயத்திற்கு இதமளிப்பதைத் தடுப்பதற்கான தடைகளை நீங்கள் உருவாக்கி விடுகிறீர்கள். உங்களது அறியாமை அல்லது முட்டாள்தனம் அல்லது முறை கேடுகளுக்காக இறைவனைக் குறை கூறாதீர்கள்.எவ்வாறு ஒரு ஆழ் குழாயை நிலத்தடி நீர் இருக்கும் ஆழம் வரை இறக்கினால்,அது ஊற்றாகப் பொங்கி எழுகிறதோ, அதே போல இடைவிடாத இறை நாமஸ்ரணையினால், தெய்வீகத்தின் ஊற்றைத் தொடும்போது, ஒரு நாள் அதுவும் பொங்கி எழிந்து, முடிவற்ற ஆனந்தத்தை உங்களுக்குத் தரும்.