நீங்கள் ஒவ்வொருவரும் மிகுந்த மனக்குவிப்பு உடையவர்களாக இருக்கிறீர்கள். ஏனெனில்,ஒவ்வொரு பணிக்கும் மனக்குவிப்பு தேவை; நீங்கள் ஒவ்வொருவரும் அதனால் பயன் அடைந்து இருக்கிறீர்கள். தச்சர், நெசவாளர், குமாஸ்தா,படகோட்டி, விஞ்ஞானி என்ற அனைவரும் கூடுதலாகவோ, குறைவாகவோ அதைப் பெற்றிருக்கிறார்கள்;மேலும் அதை தங்களது தினசரி வாழ்க்கையில் பயன்படுத்துகிறார்கள்.அதை உங்களது சொந்த மனதை நோக்கியும் பயன்படுத்த நீங்கள் கற்றுக் கொள்ள வேண்டும். மனதை அது தான் வேலை செய்யும் வழியைப் பற்றியும் ஆராயச் செய்து,அதை நல்லோரது நட்பு வட்டம்,நல் எண்ணங்கள் மற்றும் நற்செயல்கள் ஆகியவற்றில் மட்டுமே ஈடுபடுமாறு கட்டுப் படுத்த பயிற்சி அளியுங்கள். இறைவனின் எந்த ரூபத்தின் மீதாவது தியானம் செய்யப் பழகி, அவனது நாமத்தை அதன் இனிமையை உணர்ந்து ஸ்மரணை செய்யுங்கள். அது மனதைக் கூர்மையாக இருக்கக் கற்பித்து, வாழ்க்கைக்கே உரித்தான சுகம் மற்றும் துக்கங்களிலிருந்து நல்ல சங்கீதத்தை உருவாக்கும்.