இன்றைய பௌர்ணமி நாள் வியாச பூர்ணிமா என்று அழைக்கப் படுகிறது;இதை, இதயத்தைத் தூய்மைப்படுத்தும் பிரார்த்தனை மற்றும் தவறு செய்ததற்காக வருந்துதல் ஆகியவற்றால் கொண்டாட வேண்டுமே அன்றி, உடலை மற்றும் பாதிக்கும் விருந்திலோ அல்லது உபவாசத்திலோ அல்ல .இன்று சந்திரன் எந்தத் தடையும் இன்றி, ஒளி மிகுந்து,குளுமையாக மற்றும் முழுமையாக பிரகாசிக்கிறான்.மனித மனம் சந்திரனுடன் ஒப்பிடப் படுகிறது; ஏனெனில், அதுவும் சந்திரனைப் போல ஒளியிலிருந்து இருட்டுக்கு , ஏறுமாறாக ஊசலாடுகிறது. உங்கள் மனமும்,கூர்மையாகவும், பிரகாசமாகவும், குளிர்ச்சியாகவும் எப்போதும் இருக்க வேண்டும். இரண்டு வாசகங்கள் வியாச முனிவர் தொகுத்த அனைத்து பதினெட்டு புராணங்களின் சாரத்தையும் அளிக்கின்றன." பிறருக்கு நன்மையே செய்யுங்கள்; அவர்களுக்கு தீங்கிழைப்பதைத் தவிருங்கள் '' . இவையே,உங்களது சமநிலையைக் குலைத்து உங்களுக்குத் தொந்தரவு கொடுக்கும் அனைத்து இருமைகளான சுக-துக்கம்,மதிப்பு-அவமதிப்பு,வளமை-வறுமை என்ற வியாதிக்கு நிவாரணம் அளிப்பவை.உங்களது குரு காட்டிய பாதையைப் பின்பற்றுங்கள்.வியாச பகவான் கூட உங்களுக்கு வழியைக் காட்டத் தான் முடியும். நீங்கள்தான் தனியாக அதைக் கடந்ததாக வேண்டும்.