உண்மையைச் சொல்லப் போனால், விவசாயிகளே புனிதமானவர்கள், ஏனெனில், தங்களது சேவையின் சுமையில் அவர்கள் குனிகிறார்கள். தங்கள் கரங்களை வழிபாடாக உயர்த்தி, இரவு பகலாக பாடுபட்டு, தூசியையும், அழுக்கையும், அனைத்து மனிதர்களும் உண்ணும், செருவூட்டும் தானிய அறுவடையாக மாற்றுகிறார்கள். அதைப் போலவே, இறைவனும் நற்குணங்களின் அறுவடையால் மனம் மகிழுவான், ஏனெனில் அவை¨யே இந்த நானிலத்தை உண்மையில் தாங்குகின்றன. இந்தப் பவித்ரமான பணியை இன்றிலிருந்தே ஆற்றத் தொடங்கி, உங்களது செயல்களின் பலனை மிகவும் புனிதமாக்குங்கள் ! கவலை மற்றும் கலக்கங்கள் இருந்து கொண்டு தான் இருக்கும் - கடந்த,நடக்கும் அல்லது நிகழப்போகும் சில உங்களை, விழித்திருந்தாலும், உறங்கினாலும் வாட்டிக் கொண்டு தான் இருக்கும். உங்களது உலகியலான கடமைகளை கைவிடாதீர்கள்; ஆனால், அவற்றை, இறை நாமத்தை நாவில் தாங்கி, அவனது அருளை நன்றி உணர்வுடன் நாடிக் கொண்டே, ஆற்றுங்கள். பின்னர் கவலையும்,கலக்கமும் மறைந்து, உங்களுக்கு சாந்தி கிடைக்கும் ! மேலும் பிறரது விவகாரங்களில், அவற்றிலிருந்து உங்களை விடுவித்துக் கொள்ள முடியாத அளவிற்கு, தலையிடாதீர்கள்.