அடிப்படை மாயையான உடல் பற்றிற்கு எதிராக, வலிமை மற்றும் வாதத்துடன் போர் புரியத் தேவையில்லை.இந்த நிலையற்ற உலகத்துடனான உங்களது சொந்த அனுபவத்தை நீங்களே ஒரு நிமிடம் அமைதியாக அமர்ந்து ஆலோசித்தால், மாயை அகன்று விடும். ஞானம் என்பது, பணமற்ற ஒருவருக்கு, தானம் செய்பவரிடமிருந்து கிடைக்கும் பரிசைப் போல, எங்கிருந்தோ, எவரிடமிருந்தோ கிடைக்கும் ஒன்றல்ல ( அப்ராப்த ப்ராப்தி). ஞானம் என்பது '' ப்ராப்த ப்ராப்தி'' ! அது, நீங்கள் படித்துக் கொண்டிருந்த புத்தகத்தில், நீங்களே வைத்து மறந்து விட்ட பத்து ரூபாய் நோட்டைப் போன்றது. அந்தப் புத்தகத்தை நீங்கள் ஒருவருக்கு இரவல் கொடுக்கிறீர்கள்: பின்னர் அவரிடமே சென்று பத்து ரூபாய் கடன் கேட்கிறீர்கள்.உங்களுக்கே சொந்தமான அந்தப் பத்து ரூபாயை, அவர் அந்தப் புத்தகத்திலிருந்து வெறுமனே எடுத்துக் கொடுக்கிறார். அதைப் போலவே, குருவும் ஞானம் என்ற பொக்கிஷத்தை, உங்களது இதயம் எனும் புத்தகத்திலிருந்து வெளிக் கொண்டு வருகிறார் !