ஐம்புலன்களும் ஒரே '' புருஷனுக்குத்'' தான் சேவை புரிகின்றன. ஒரே தலைவனின் கீழ் உள்ள ஒரு குடும்பம் தான் அவை. புலன்கள் நமக்குப் பகைவர்களாக இருக்க வேண்டும் என்ற அவசியமில்லை: அவற்றை நமது ஆன்மீக சாதனைக்குத் துணை புரியுமாறு பழக்க முடியும். ஏன்? அகந்தையையும், படாடோபப் போட்டியையும் வளர்க்குமானால்,புத்தி கூட பகைவனாகி விடுகிறது. உங்கள் நாவில் இறை நாமம் என்ற விளக்கை ஏற்றுவதின் மூலம், உங்களது அந்தராத்மாவையும், நடவடிக்கையையும், ஒளி பெறச் செய்ய முடியும். இறை நாமத்தை கையில் ஏந்துங்கள்: அவனது ஜோதி அகம் , புறம் இரண்டிலும் உள்ள இருட்டை விரட்டி விடும். எப்போதும் அந்த ஜோதியை தெளிவாகவும், பிரகாசமாகவும் வைத்துக் கொள்ளுங்கள். வெகு விரைவில் நீங்கள் மிக உயர்ந்த நிலையை அடைந்து, புலன்களைச் சார்ந்து இருப்பதால் கூட அடைய முடியாத ஆனந்தத்தை அனுபவிப்பீர்கள்.