இறந்தவர்களுக்கும், வலுவுடன் இருப்பவர்களுக்கும், மருந்துகள் தேவை அற்றவை. பக்தி கொண்டவர்கள், ஆன்மீகப் பாதையில் ஏற்கனவே முன்னேறிக் கொண்டு தான் இருக்கிறார்கள். பக்தி அற்றவர்களிடம் பேசிப் பயன் இல்லை: நேரம் தான் வீணாகும். பலர், தங்களை விட உயர்ந்த சக்தி இருப்பதை உணருகிறார்கள் மேலும் அதனுடன் தொடர்பு கொள்வதில் ஓரளவு விருப்பம் கொண்டிருந்தாலும், உறுதியற்று, ஊசலாடிக் கொண்டு இருக்கிறார்கள். அவர்கள் தாங்கள் செல்ல வேண்டிய பாதை மற்றும் அதில் கிடைக்கும் பலன்களை அறியாதவர்களாகவோ,அல்லது விளைவுகளைப் பற்றி அச்சம் கொண்டவர்களாகவோ இருக்கிறார்கள் - என்னுடைய உபதேசங்கள் இப்படிப் பட்ட அரை மனதுடைய பக்தர்களுக்காகவே. முதன் முதலில் அனைத்து விதமான மனிதர்களிடையே, நீங்கள் வருந்தாமலும், பிறரை வருத்தப் பட வைக்காமலும் வாழும் கலையைக் கற்றுக் கொள்ளுங்கள். ஞானத்தைப் பெற்று, ஆனந்தத்தை அடைந்து, அதை பரப்புவதற்காக உங்களுக்குப் பரிசாக அளிக்கப் பட்டுள்ள வாய்ப்புக்களைத் திறன் பட பயன்படுத்திக் கொள்ளுங்கள்.ஆன்றோர்களிடமிருந்து நிரந்தரமான ஞானத்தைக் கற்று, அதிலிருந்து பயன் பெறுங்கள்.பின்னர் சீரிய எண்ணங்களையும், நல்லுணர்வுகளையும் பரப்பி, ஆன்மீகத்தில் வளர்ச்சி அடையுங்கள்.