என்னை நம்புங்கள் , நீங்கள் அனைவரும் அழிவற்ற தெய்வீக ஆத்மாவே! எதுவும் உங்களை அதைரியப் படுத்தத் தேவையில்லை.கனவுகளில் நீங்கள் பல வேதனைகளை அனுபவிக்கிறீர்கள் - பண இழப்பு,நெருப்பில் இழப்பு, உணவு இழப்பு,அவமானங்கள் போன்றவை; ஆனால் நீங்கள் அவைகளால் பாதிக்கப் படுவதில்லை.இவை உங்களது விழிப்பு நேரத்தில் நிகழ்ந்தால், நீங்கள் பாதிக்கப் பட்டதாக உணருகிறீர்கள். உண்மையான நீங்கள், அவை எல்லாவற்றாலும் பாதிக்கப் படுவதே இல்லை. நீங்கள் இந்த உடலே என்ற மாயையைக் கை விட்டு விடுங்கள்: நீங்கள் உண்மையிலேயே சுதந்திரம் அடைந்து விடுகிறீர்கள். சத்தியத்தையும்,ப்ரேமையையும் வளர்த்துக் கொள்ளுங்கள். நீங்கள் கேட்காமலேயே அனைத்தும் உங்களுக்கு அளிக்கப் படும். மனிதனும் , இறைவனும் ( நரனும்,நாராயணனும்), பாஸிடிவ், நெகடிவ் போன்ற இரண்டு மின் கம்பிகளே: இரண்டும் இணைந்தால் மின்சாரம் பாய்கிறது. நீங்கள் தெய்வீக ப்ரேமையையும்,சத்தியத்தையும் பெற்று விட்டீர்களானால், மனிதன் ( நரன்), இறைவனின்( நாராயணனின்) கருவியாக ஆகிவிடுவான்.